Morlansko igogailuko panela martxan da
Morlans ibilbideko lehenengo biribilgunean dago panela. (Argazkia: Mikel Elkoroberezibar Beloki) Morlans eta Aiete auzoak lotzen dituen igogailu inklinatuan alerta sistema bat ezarri dute. Morlans ibilbideko lehen biribilgunean dagoen panela semaforo baten modukoa da: kolore berdea du igogailuak ondo funtzionatzen duenean, eta gorria, matxuratuta dagoenean. Horrela, bizilagunek jakin ahal izango dute noiz erabili dezaketen igogailua, eta noiz ez.
Inguruko bizilagunek sarri salatu izan dute igogailua matxuratuta egon ohi dela, eta Lantxabe eta Morlanstarrak auzo elkarteek igogailuaren erabilgarritasunaren inguruko herritarren kexak helarazi izan dizkiote udalari.
