Inauterien festan kaldereroek eta sorginek parte hartu dute
Inauterien artxiboko argazkia. (Argazkia: Inaxio Esnaola) 
Egiako Zuhaizti eskola publikoak inauterietako festa egin du gaur eguerdian. Ordea, ez da ohikoa izan. Jolastoki osoa hartu beharrean, aterpea duen jolastokiaren gunean elkartu dira lehen hezkuntzako ikasleak irakasleekin batera. Gela eta mailen arabera, txandaka, egin dute kantu eta dantza.
Lantzeko eta Iturengo inauteriak oinarri hartuta, bestelako pertsonaiak ere agertu dira jolastokian. Pentsa, kaldereroak gaur etorri dira Zuhaiztira, eta baita hartza ere. Pasa den astean ezin izan zutenez, inauteriak behar bezala iragarriko zituztela adierazi zuten. Galtzagorri zein iratxoek ere parte hartu dute festan, eta irakasleak ezustean sorgin bihurtu dira Erre zenituzten abestia dantzatzeko.
Inauterietako hainbat dantza egin dituzte eskolan, eta horietako baten bideoa jarraian duzue.
Zuhaizti eskolako inauterien festako irudi bilduma:
