'Txomin Power!' eguna aurrera doa Txomiñenean
(Argazkia: Lanberri) Donostiako gainerako auzoetan bezala, ez da ohiko festarik izaten ari Txomiñenean. Hala ere, Txomin Power! eguna da gaurkoa: Lanberri auzo elkarteak egun osoko egitaraua prestatu du, eta adin guztientzako egiten ari dira. Goizean, herri jolasak, eskuilan tailerra eta marrazki lehiaketa egin dituzte. 14:00etatik 16:00etara bazkaldu egin dute, edukiera mugatuko bazkari herrikoia, alegia.
Arratsaldean ere bada zer eginik Txomiñenean. 17:00etatik 18:00etara Sarini Zirko konpainiaren ikuskizuna izango da, eta 19:00etatik 20:00etara, aldiz, Iñaki Uriarte eta Mikel Bermejo umoregileek bakarrizketak egingo dituzte. 20:30ean amaituko dute eguna, Agur uda! argazki lehiaketaren sari banaketarekin.
