Aldi baterako kontratuen aurkako borrokari buruzko topaketa egingo du Kaleratzeak Stopek larunbatean
Kaleratzeak Stop taldearen agerraldia, Ijentea kalean.Inaxio Esnaola 
Kaleratzeak Stop elkarteak herritarrak eta hedabideak deitu ditu larunbaterako, hilak 19, Ernest Lluch Kultur Etxean, 11:00etan, iruzurrezko aldi baterako kontratuen aurkako borrokari buruz hitz egiteko. Plataformak bereziki gonbidatzen ditu mota horretako kontratuak dituzten maizterrak (sasoikoak edo gela bakoitzeko kontratuak, adibidez), kontratu horiei nola aurre egin
“Espainiako Estatuko Etxebizitzaren Legea onartu zenetik, eta, horrekin batera, alokairuen prezioei muga jartzeko aukera zegoenetik, ohartarazi genuen, legeak izan zitzakeen ihesbideak arautu eta itxi ezean, jabeek sasoiko kontratuetara eta geletako kontratuetara joko zutela”, azaldu du Kaleratzeak Stopek. Beren ustez, denborak arrazoia eman die, eta larunbatean Donostian egingo den topaketara joatera animatu dute.
Elkarteak ohartarazi duenez, “Kongresuak atzera bota zuen, duela gutxi, Juntsen oposizioarekin batera, aldi baterako alokairu-kontratuak eta higiezinen, Funts Putreen eta espekulatzaile handi eta txikien kontratuak arautzeko lege bat aintzat hartzea, eta, gure ustez, iruzurrezkoa da kasu gehienetan”.
