
Etxegabeen egoera bereziki gogortzen da neguko hotza heltzen denean. Hiriko beste hainbat lekutan gertatzen den moduan, pertsona batzuek Konstituzio plazan lo egiten dute egunero, eta eurentzako irtenbide bat eskatu dute laguntza eskaintzen dieten herritarrek.

Igandean, urtarrilaren 10ean, zabalduko ditu ateak azkeneko aldiz Kuskulok. Gozoki denda ezaguna 1984ko ekainean iritsi zen Bulebarrera. Ordurako, bazegoen beste Kuskulo bat: Portu kalekoa, jabeek sei hilabete lehenago ireki zutena.

Sarek antolatuta, manifestazioa egingo dute bihar 16:30ean, Bulebarretik hasita, "behingoz salbuespenezko espetxe politikarekin amaitzeko", Inaxio Oiarzabal Sareko kidearen esanetan. Egungo espetxe politikak "min handia" eragiten duela esan du: "Benetako elkarbizitza eraiki nahi badugu, sufrimendu guztiekin amaitu beharra dago".