
Nork ez du oroitzen Odon Elorza eta Juan Karlos Izagirreren arteko besarkada hura, 2011n? Urteak igaro genituen "Donostia 2016" entzuten. Europako kultur hiriburua, herritarren energia olatua, elkarbizitzaren kultura... Eta legatua. Baina bost urte pasa dira dagoneko, eta non dago legatu famatua?

Bost urte pasa dira Donostia Europako Kultur Hiriburu izan zenetik. Gaur egun udalbatza osatzen duten alderdi gehienek hurbiletik jarraitu zuten hautagaitzaren prozesua, izendapena eta urte seinalatua. Donostia 2016aren inguruko irakurketa egin dute EAJk, EH Bilduk, PSE-EEk eta Elkarrekin Donostiak. Aldiz, PPk ez du parte hartu nahi izan.

Atzera begira, inork gutxik uste du 2016ak bere helburu kulturalak bete zituela. Kontrara, ordutik hona, hiriaren turistifikazio masiboaren erantzuleetako baten moduan ikusten da egitasmoa. Baina zer zioten garaian hiriburutzaren kontrakoek? Izan al du hiriburutzak harreman zuzenik hiriaren bilakaeran?