
Eneko Goiak eta Arantxa Tapiak Urumea biziberritzeko azken lanak egiteko akordioa aurkeztu zuten joan den astean. Ibaia zabaldu, kota igo eta zubiak eraikiko dituzte, uholdeak iragana izan daitezen.

Mende erdia beteko du abuztuan San Martin auzoko Egfisios fisioterapia klinikak, eta pazienteak artatzen aritzeaz gain, San Martin auzoaren izaera berreskuratzeko lanetan dabil buru-belarri Ibon Etxeberria arduraduna (Gros, 1973). Urteurrenarekin, ordea, lekualdatu egin beharko da.

Hilabeteak lanean eman ondoren, jai batzordeko kideek prest dute otsailaren 28tik martxoaren 4ra bitarteko egitaraua. Jaiak baino gehiago, auzoaren nortasunaren erakusle dira egun horiek, eta adin tarte askotariko bizilagunak elkartzen dituzte, horien arteko harremanak sendotuz.

Hasieran Kai Alde jubilatuen elkartea jarriko dute, jatorrizko eraikinaren lanak direla eta. Etorkizun laburrean baina, haurrentzako espazioak sortuko dituzte Esterlines kalean.

Loiolako La Drogueria tailer eta arte galerian garatuko du Iker Garcia Barrenetxea artista donostiarrak bere proiektu artistikoa, eta larunbatean (hilak 24) egingo dute aurkezpena.