
Indabe pop-rock talde antiguatarrak 'Ez banaiz' izeneko diskoa argitaratu du. Egun, Uxue Estrada gitarrista eta abeslariak (Antigua, 2004), Peru Blanco bateriak (Antigua, 2004) eta Nora Azurza baxu jotzaile eta abeslariak (Antigua, 2004) osatzen dute hirukoa.

Asteazkenean hasita, eta igandera arte, Amara Berrin ere ospatuko dituzte Karmengo jaiak. Amara Berriko auzo elkarteak antolatuta, hainbat jarduera izango dira auzokideentzat, tartean, arrandegiei omenaldia eta danborrada.

Bizitza Jokoan kanpainaren bigarren fasea abiatu du Mugarik Gabe elkarteak. Klima larrialdia eta giza eskubideen urraketaren arteko harremana dute hizpide. Horren harira, Dalila Arguetak (Guapinol, Honduras, 1988) hitzaldia eskaini zuen Tomasene Kultur Etxean.

HAPOaren aurrerakinaren ingurumen azterketa estrategikoaren irismenari buruzko dokumentua ondu du Eusko Jaurlaritzak, eta Auditz Akularreko hirigintza garapena (3.000 etxebizitzakoa) «ezestea» gomendatu du. Hori baliatuta, banderola berdeen kanpaina indartu du Altza XXI-k.

'Pozarren' bigarren diskoko abestietako bat da, eta donostiarraren aurreneko bideoklipa.