Donostian, Korrikaren azken prestaketa lanetan murgilduta daude AEK-ko kideak. Aitziber Otegik eta Eider Hernandezek aurtengo edizioaren nondik norakoak eta Korrikatik haragoko erronkak azaldu dizkiote IRUTXULOKO HITZAri.
‘Bizitza ozen denean’ diskoa kaleratu du Mugan talde donostiarrak; bueno, disko erdia. Bost abestiz osatutako bilduma kalean da, honezkero, baina apirila amaieran iritsiko dira beste bostak, «beste erritmo batekin». Taldeko Pablo Zurutuzak, Enara Rodriguezek eta Joseba Pastorrek xehetasun guztiak eman dituzte.
Maider Alberich Intxaustik (Gros, 1987) eta Eider Sanchez Herrerok (Antigua, 1986) beren bizitza eraldatu zuten 2016an, lana utzita, ekitea erabaki zutenean. Naru Intelligence eratu zuten, pazientea erdigunean jarrita, onkologia gaixoengan eragin positiboa izango zuen teknologia garatzeko. Oztopoak ez zaizkie falta izan, baina bidea urratzen ari dira.
Eliza katolikoaren barruan berdintasuna bilatzen du Emakumeen Aldarria talde gipuzkoarrak. Mobilizazioa egin zuten Donostian joan den igandean, eta Izaskun Fernandez Ruiz (Errondo, 1965) Zientzia Erlijiosoetan aditu donostiarra bertan egon zen, taldeko kideetako bat baita. Argi dute helburua: «Berdintasuna ohitura bilakatu dadila».
Pepe Mujikak esan zuen «historia ez dute gizonek egiten, kausa handiek baizik». Kausa handien atzean, ordea, gizon eta emakume ugariren izen eta biografiak daude. Horixe da Nekane Benavente Aretxaga (Gros, 1949) militante nekaezinaren historia. Berearekin batera dozenaka izen propio, garaipen eta porrot. Mariaren Bihotza ikastola euskalduna, Marruma, Groseko auzo elkartea, Emakumeen Etxea, Lilatoia... Eta jaiak!
Irakasleak euskalduntzeko eta euskal kulturan murgiltzeko programa da Irale, eta bertako irakasleak dira Idoia Ibero Urbieta eta Ainhoa Agirrezaldegi Errekondo. Lanean hasi zirenetik, saiatu dira Korrika eta horrek esan nahi duena ikasleei helarazten, eta aurtengoa berezia izango da haientzat. Izan ere, Irale itxi egin behar dute.
24. Korrika Donostiatik igaro baino egun batzuk lehenago, Donostia Palestinako kideak komunitate palestinarrarekin dabiltza elkarlanean euren egoera ikusgai egiteko. Aurtengo Korrika lehenengoa izango da kolektiboarentzat, eta Parte Zaharrean hartuko dute lekukoa.
'Linbo' saioa itzuliko da igandean. Baina ez ETB1era, Primeran plataformara baizik. Arretxeak iragarri du elkarrizketen tarteak pisu handiagoa izango duela.
Martxoaren 31n itxiko dute Donostiako Hontza liburu denda. Moiua eta Tatiegi 42 urtez arduratu dira dendaz; pozik daude egindako bidearekin, nahiz eta pena ere sentitzen duten.
Fernando Bernues Gambarte (Donostia,1961) eta Miren Arrieta Altolagirre (Parte Zaharra, 1998) 'Desobedienteak 18/98' antzezlanaren parte dira. Bernues Mireia Gabilondorekin batera da zuzendari, eta Arrieta gaztelaniazko bertsioko protagonista da, Aiora Enparantza donostiarra baita euskarazko bertsioko protagonistaren rola egiten duena. Ostegunetik igandera eskainiko dute, Antzoki Zaharrean.
Leire Markiegi Gortazar (Ibaeta, 2002) El Salvador (Valladolid, Espainia) taldeko errugbi jokalaria da. Duela hilabete batzuk egin zuen saltoa talde horretara, Espainiako lehenengo mailan jokatzeko, nahiz eta bere bosgarren urtea izan errugbira jolasten.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
