Antropologian formatua eta antzerkiari estu lotua, artea ezagutza tresna gisa aldarrikatzen du Maddi Goikoetxeak (Amara, 1994). Bitartekaritza artistikoan egiten du lan, eta sorkuntza prozesuak lehenesten ditu beti emaitzen gainetik. Zientziak eta datuek harrapatu ezin duten hori ulertzeko arteak duen indar eraldatzaileaz aritu da, kafe baten bueltan.
Donostiako 510 familien etorkizuna jokoan dago; 1.500 bizilagun inguru. 2028ko azaroa Bentaberriko babes ofizialetan bizi direnen arazo bihurtu daiteke. Orduan iraungiko da Jose Maria Sert plazako hiru etxebizitza blokeren babesa, eta merkatu librera igaroko dira.
Magoa eta eduki sortzailea da Xabi Lizaso (Antigua, 1995), 'Trikuxabi' ezizenez ere ezaguna. Eta euskaraz egiten du hori guztia, modu naturalean ateratzen zaiolako, baina baita hala erabaki duelako ere. Euskal magoen komunitate «polita» dagoela dio.
Etxez Etxeko Laguntza Zerbitzuko langilea da Laura Garcia; Yurena Garcia, berriz, Txara II zahar egoitzakoa. Tokia eta zailtasunak aldatu arren, zeregin antzekoak dituzte biek, baita ezintasun eta etsipen sentipen berberak ere. Funtsezkoa den lan bat egiten ari direla badakite ere, aitortuak beharrean, baztertuta sentitzen dira. Horiek guztiak hizpide izan dituzte ELAko egoitzan egindako elkarrizketan.
LGTBIQ+ Kolektiboaren Sexu Askapenaren eta Harrotasunaren Nazioarteko Eguna da Ekainaren 28a. Hala, zenbait eragilek egitarau berezia prestatu dute, elkarlanean, kolektiboari ikusgarritasuna emateko. Gipuzkoako Trans Asanbladako Alex Olzak azaldu dizkigu detaileak.
Etzakit taldeak 23 urteren ondoren ekin dio, berriz ere, oholtza gaineko bideari. Oialumen abiatu zuten itzulera, eta, ordutik, hainbat kontzertu eskaini dituzte Euskal Herrian. Abuztuaren 15ean Donostiako Aste Nagusian ariko dira, Saguesen, eta kontzertu hori baliatu dugu Aitor Zabaleta Alduntzin taldeko kidearekin Etzakiten itzuleraz eta bizi duten uneaz hitz egiteko.
Trikitia eta panderoa eskuan, 40 urte baino gehiagoko ibilbidea egin du Tapia eta Leturia taldeak. Zenbait urtez elkarrekin jo gabe egon ondoren, duela hiru urte itzuli ziren oholtza gainera, eta gaur, abuztuaren 10ean, Donostiako Piraten Aste Nagusiko eszenatokian ariko dira. Joseba Tapiak aitortu du erronka dela belaunaldi berrien aurrean jotzea, baina, dioenez, lehen gurasoek kantatzen zituzten abesti berberekin, orain, seme-alabak ere dantzan ikusten dituzte.
Maddi Marquet Ferrani (Donostia, 1999) etxetik datorkio kirola egiteko ohitura, aita triatloilaria du eta ama atleta. Bera atletismoan hasi zen, baina lesio baten ondorioz, igeriketan eta txirrindularitzan murgildu zen eta aitaren kirola ezagutu zuen. Ekainaren 28an, Onditz triatloia irabazi zuen, eta, horrela, «amets bat» betetzea lortu zuela aitortu du.
Martxa korrika eta gozoak nahasten dituen kafetegia da. Nekane Larrañagak apirilean ireki zuen, eta hasieratik eraiki du komunitatea: hamaika lagun biltzen ditu larunbatero. Auzo turistifikatu batean egon arren, tokikoaren aldeko apustua da Martxa.
Javier Blanco ‘Txuri’-k 15 urtetatik lotura izan du errugbiarekin. Lehenengo jokalari gisa, gero entrenatzaile moduan, epaile lanetan ere ibilitakoa da, eta, orain, sortu berri den Donostia Rugbyko presidentea izango da.
Guardaplata jubilatuen elkarteak 50 urte bete ditu, aurten. Bere izena Guardaplata itsasargiaren omenez du, eta, gaur egun, 800 bazkide ditu. Arturo Gil duela zortzi urte da elkarteko presidente, eta, gutxienez, bi urte gehiago jarraitzeko asmoa du.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
