Hamar urteren ondoren, Donostiako alkatetza utzi zuen atzo Eneko Goia Lasok (Amara Berri, 1971). Azken udal hauteskundeetan 10.000 boto galduta eta hamarkada mugitu bat atzean utzita, aurrera eramandako proiektu askorekin harro doa, baita arantza batzuekin ere. Hedabide honi eskaini dio bere azken elkarrizketa, eta hausnarketa batzuk utzi ditu mahai gainean.
Donostia ospitaleko medikua eta zirujaua da Xabier Arteaga Martin (Errenteria, 1973). Pankrea eta gibela dira bere espezialitatea. Urriaren 3ko medikuen grebarekin bat egin zuen, eta haien lan baldintzak hobetzeko aldarrikapenekin bat egiten du.
Zinemaldia bukatu berritan, balorazioa egin eta hurrengo urtekoari begira hasi dira lanean Zinemaldian. Amaia Serrulla (Gros, 1990), 2011tik ari da lanean Zinemaldian eta, egun, Pensamiento y Debate ataleko arduraduna da. Lehen, Zinemaldia «gainetik» pasatzen zitzaion, energia gabe utziz: «Ez dakit heldua egin ote naizen edo zer, baina orain lasaiago bizi dut». Tabakalerako kafetegian egin dugu zita, noski.
Jose Manuel Bujanda Arizmendi 'Bixar'-ek (Gros, 1953) Txikirekin militatu zuen ETAn hainbat hilabetez; lagunak ziren.
Zinemaldi betean, Zurriola pasealekua betetzen duten karteletako baten irudiaren egilea da Aritz Trueba (Aiete, 1980). Ikastolen Elkartean lan egiten du ikas materialetarako animazioak sortzen eta komunikazio arloko bideoak eta argazkiak egiten ditu, baita ere. Handik kanpo, bestelako sormen lanekin erronka berriak bilatzen ditu.
Donostiako Aste Nagusiak jendea masiboki erakartzen duen ikuskizunik baldin badu, hori su artifizialena da. Gauero-gauero, zerura adi begiratzen du Izaskun Astondoak (Arratia, Bizkaia, 1962) ere, lehiaketako epaimahaikide izan baita azken urteotan, eta hala izango baita aurten ere. Su artifizialei puntuazioa ematerako orduan, ikuskizunaren harmonia oso kontuan izaten du Astondoak, baina, adi: publikoaren txaloek ere asko dute esateko.
Zurriolako hondartzan hamabost urtez lan egin eta gero, kaleratua izan da Mikel Ianzi Barrena (Orereta, 1991). Sorosleei materiala falta zitzaiela publikoki salatu zuen, eta Zurriola hondartza desberdin «ireki» zuen, ezin zuelako erabiltzaileen segurtasuna bermatu. Horrek, dioenez, bere kaleratzea ekarri du.
Adarra saria emanez, sei hamarkadako ibilbidea aitortuko diote larunbatean, eta kontzertua emango du segidan, Donostiako Viktoria Eugenia antzokian.
Udazkenean iritsiko da Donostiara IBMren ordenagailu kuantikoa, eta, Diezen ustez, Euskal Herria polo oso garrantzitsua izango da teknologia kuantikoetan.
Cepas munduko zerrendako lehen postuan jarri da, azkenaldian lortutako garaipenei eta puntuazio sisteman izandako aldaketari esker. «Hilabete batzuetan» postu horri eutsi nahi dio, eta baikor da. «Oso garai onean nago, eta hobetzeko tarte handia daukat».
Gipuzkoako Atletismo Federazioko presidente Ramon Goikoetxea Abadiak argi dauka bere entitateak Euskaraldia baliatu dezaketela euren atleten hizkuntz ohiturak aldatzeko.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
