Martxoaren 8aren bueltan, milaka pertsona manifestatu dira aurten ere Donostian, mugimendu feministak deituta. Zaintza jarri dute erdigunean, 'Dimentsio guztiak', 'Gure bizitzekin negoziorik ez!' eta '¡Haceos cargo ya!' lelopean.
Udal taldeek Martxoaren 8an deitutako mobilizazioetan parte hartzeko deia luzatu diete herritarrei.
Turismoaren zama bizkarrean, hoteletako logelak garbitzen dituzten emakumeek orduak ematen dituzte presiopean lanaldi pisutsuak aurrera ateratzeko. Gainkarga eta etengabeko segurtasunik eza nagusitzen dira euren egunerokoan. Lan egiteko modu horrek, ondorio zuzenak ditu euren osasunean, eta denboran luzatutako lesioak daramatzate arrastaka. Erabat akituta egon arren, etengabe ari dira euren eskubideak defendatzeko borrokan. Hobekuntzak lortu dituzte, baina jakin badakite bide luzea dutela aurretik.
'Dimentsio guztiak' eta 'Gure bizitzekin negozioriok ez!' lelopean iritsi da Martxoaren 8a. Donostiako Asanblada Feministak 18:30ean Antiguako tuneletik hasiko den manifestaziora deia egin du, eta hiria jai giroz baino, aldarrikapenez bete nahi dute feministek.
Galarretako frontoian, orain arte, soilik gizonek jokatzen zuten erremontera. Iaztik hona, ordea, Jone Arroyo (Lasarte-Oria, 1999) eta Maddi Etxeberria (Andoain,1998) hasi dira entrenatzen. Lehenengo emakumeak dira erremontean, eta espero dute azkenak ez izatea.
Cira Crespo historialariaren eta Elena Ziordia ilustratzailearen 'Euskal Herriko 40 emakume' liburuan oinarrituta, 'Gipuzkoako Emakumeak' izeneko erakusketa jarri dute Aiete Kultur Etxean, eta apirilaren 7ra arte egongo da ikusgai.
'Mars Express' filma (Jeremie Perin, 2023) proiektatuko dute gaur Tabakalerako Zinema eta Zientzia zikloan (19:00), adimen artifiziala ardatz duena, eta Amaia Bernaras Iturrioz (Urretxu, 1964) Miramongo Parke Teknologikoko gerenteak egingo du aurkezpena. 14 urteetatik bizi da Donostian, eta 30 urtetik gora daramatza adimen artifizialaren arloan lan egiten.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
