
Zinemaldi betean, Zurriola pasealekua betetzen duten karteletako baten irudiaren egilea da Aritz Trueba (Aiete, 1980). Ikastolen Elkartean lan egiten du ikas materialetarako animazioak sortzen eta komunikazio arloko bideoak eta argazkiak egiten ditu, baita ere. Handik kanpo, bestelako sormen lanekin erronka berriak bilatzen ditu.

Donostiako Udalak hiriko hainbat auzotan igogailuak jartzeko proiektuak abian ditu. Dena dela, oraindik ez dute berritu 2017ko Mugikortasun Bertikalari buruzko Plan Gidaria.

Bihar eta etzi egingo dute Zubietako Errebotearen Eguna. Eragile askoren arteko elkarlanaren bidez antolatu dute, eta errebote jokoaz gozatzeko aukera paregabea izango da.

Aurten, Gipuzkoako Elikagaien Bankuak Amara Berri Auzo Elkartearekin batera 'Artilleroa' abestuko du.