
"156 pertsona konprometituk" osatutako zazpi lantalde tematiko izango ditu elkarrizketa kolektiboak, eta etxebizitza, segurtasuna, kultura eta ekonomia izango dituzte hizpide, besteak beste.

EH Bilduk eta PSE-EEk Kutxa Fundazioaren patronatuan haien ordezkarien gehiengoa baliatu zuten otsailean, Aldakonean ahalik eta etxebizitza publiko kopuru handiena eraikitzea sustatzeko. Horri jarraiki hartu du erabakia udaleko Tokiko Gobernu Batzordeak.