
Astebete baino gutxiago gelditzen Santu Guztien Egunerako, eta, bezperan, Gau Beltza ospatuko dute hiriko hamaika txokotan. Bereziki, haur eta gaztetxoentzako egitarauak prestatu dituzte.

Prentsaurreko jendetsua egin du KASek, aste honetako bi erasoak salatzeko. Argi adierazi dute: "Kaleko afari solidarioekin jarraituko dugu, ez baita segurtasuna ezbaian jartzen duen ekintza, baizik eta pertsonen elikadura segurtasuna elkartasunaren bidetik bermatzen duena". Manifestazioa egingo dute, hainbat eragilek deituta, igandean, 18:00etan, Egian

Turistifikazioaren Aurkako Urria borobiltzeko, manifestaziora deitu du desazkunde turistikoaren aldeko Bizilagunekin plataformak iganderako (12:00etan, Alderdi Ederretik). Hiriko turistifikazio prozesua bere mugara heldu dela eta hiria "arriskuan" dagoela salatuko dute. Elena Ramirez Boixaderas (Bartzelona, 1991) Bizilagunekineko kidearekin mintzatu gara.

EH Bilduk Intxaurrondoko mikrobusaren linea pilotua mahai gaineratu du urriko udalbatzan. Olatz Yarza Mugikortasun zinegotziaren arabera, ordea, udal baliabideek ezin dituzte eremu guztietako beharrak asetu.

Makusi artxibo plataforma ere berritu dute. 12 mila baliabide inguru ditu, argazki, testu, bideo, audio eta irudi dokumentuen artean.

Txuri-urdinek sailkapeneko goiko aldean egonkortzeko partida jokatuko dute Betisen aurka, Zubietan.

Hilaren 15etik 20ra bitarte egingo da Iturritik jaialdia.