
Hiru hamarkada eman ditu Patxi Lagok, 'Titin'-ek, onddoen munduan bazterrak nahasten. Loiolatarra Kirol Elkarteak urtero antolatzen dituen Mikologia Jardunaldiengatik saria jaso berri dute Euskadiko Gastronomia Akademiaren eskutik, eta pozik dago, ezustekoaren aurrean. Sariak «bateriak kargatu» dizkiela dio.

Bihar piztuko da jai giroaren txinparta Igeldon, nahiz eta, ofizialki, hilaren 26an hasiko diren festak. Ttonttorro jai batzordearen kudeaketari eta herritarren auzolanari esker, egitarau oparoa ondu dute. Leire Barrondo batzordeko kideak eman ditu xehetasun guztiak.

Asteburu honetan martxa hartuta, jaiak ostegunean hasiko dituzte ofizialki Altzan, Txirrita mendi lasterketako antolatzaileen pregoiarekin. Egitarauak, ordea, hilaren 27an joko du goia, jendetsuak izan ohi diren herri bazkaria eta giza proba zita nagusiak izanda.

Francoren Justizia ministro batek jarri zuen Martuteneko espetxearen lehen harria, eta ordudanik, hamaika istorio ilun gorde ditu bere barnean. Atzean utziko badute ere, bere aztarna mantentzea nahi dute.

Lehen ekimeneko kokalekua aldatu dute eta Uliako basoan barrena ibiliko dira.