Elkarte mordoak bat egin du igande honetan Egian, aniztasunaren festa berezi bat egiteko. Bizipoza elkarteak dinamizaturik, auzoko dozenatik gora elkarte eta Euskal Herriko beste hainbeste batuko dira. Blas de Otero plazan zen egitekoa, «auzoarentzat espazioa berreskuratu» asmoz, baina eguraldiaren iragarpena dela eta, Aitor Ikastolan izango da. Leire Elizegi, Libe Biain eta Garazi Zarautz aritu dira antolakuntzan.
'Ikusi makusi, zer ikusi?' jokoa oso presente dauka Gaizka Izagirrek (Antigua, 1984). Antzeko izena zuen blog bat izan zen abiapuntua, eta, ordutik, filmak eta telesailak gomendatzen dihardu Euskal Herriko hainbat hedabidetan, eta zenbait formatutan. 'Klaketa' bideopodcast propioa ere sortu du euskal zinema nabarmentzeko.
Aurtengoan ere elkarrekin antolatu dute Euskaraldia Donostiako Udaleko Euskara Zerbitzuak eta Bagera Donostiako Euskaltzaleen Elkarteak.
Donostiako Udalean eskaera ofiziala egin eta erantzunik gabe gelditu ostean, Polloeko mausoleo frankistako gurutzea bota dezatela eskatzeko bide judiziala abiatu du Gipuzkoako CNTk. Mausoleoan lurperatutako milizianoak omentzeko, elkarretaratzea egingo dute bihar mausoleoan bertan, 12:00etan.
Martuteneko Mendiburu gasolindegia zena eraitsi eta etxebizitzak eraikitzeko lanak egiten ari dira. Lursail horretan bi autobus geltokietako bat kendu, eta bestea egoera kaskarrean dagoela dio auzo elkarteak.
Konbentzio gerraren garaian, hiria frantsesen menpe zegoela, Plaza Berrian tresna hori jarri eta baliatu zutela dioen legenda bat bada. Asmatua den edo ez, ez dago argi. Garaiko zenbait dokumentutan aipatu arren, erabilerari lotutako datu faltak kolokan jartzen du.
Amale Arzelus donostiarra irratian euskaraz hitz egin zuen lehen emakumezkoa izan zelako da ezaguna, baina beste gauza batzuk ere egin zituen bere bizitzan. Horietako asko, 'Arzelus Arrieta’tar Amale. Nere oroimenak' liburuan jaso ditu bere seme Jon Andoni Zinkunegik.
Argitasunera itzultzen ari da Itsaso Gutierrez Retolaza (Gros, 1978). Etenaldi luze baten ondoren, musikagintzara eta zuzenekoetara bueltatu da.
Bidebietako jaiak hasiko dira datorren astean. Asteazkenetik igandera, auzoaz gozatzeko aukera izango dute adin guztietako bizilagunek. Jai batzordeko Izaskun Cruz dabil azken kontuekin: «Topera, eta pozik».
Azken urteotan indarrean egon den legea bertan behera gelditu daiteke. Izan ere, lege horrek dio 6 eta 12 urte bitarteko umeek kirol klub batean izena eman ahal izateko eskola kirolean parte hartu behar dutela. Donostian, dagoeneko bi eskola kirola eredu daude indarrean. Horietako bat, MK Donostia proiektua da, hasieran E2 proiektu gisa ezaguna.
Ehun urte bete ziren martxoaren 29an Antonio Agirre Uranga 'Xenpelar' (Donostia 1852-1925) portuko pilotua hil zenetik. Ia lau hamarkadaz egin zuen lan eta lagun asko salbatu zituen. Garaian ezaguna eta maitatua izan bazen ere, urteekin ahazten joan ziren.
Auditz Akular berdegune handian 3.000 etxebizitza eraikitzeko asmoen aurrean, Altza XXI herri ekimenak eremuaren balio ekosozialak aztertzeko eskatu dio Marko Sierra ingeniari agronomoari. Besteak beste, ondorioztatu du Altzako berdegune eta espazio libre falta nabarmena konpentsatu dezakeela guneak.
Zein da Donostiako etxebizitza parkearen egoera? Zein eskaintza eta eskaria? Zer erabaki politiko hartu dira honaino iristeko? Nola lortu daitezke etxebizitza babestuak hutsetik eta enpresa pribatuekin eraiki gabe?
Lehenengo aldia da Beñat Olaberria margolariak (Parte Zaharra, 1970) Donostian bere lana erakusten duena. Ekain Arte Lanak galeriak sustatua, 'Etxetik' erakusketa ikus daiteke maiatzaren 24ra arte.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutZure babesa behar dugu Donostia den horretan aztertzen eta kontatzen jarraitzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
