
35 urte bete ditu Donostiako Bagera Euskaltzaleen Elkarteak; 35 urte euskararen aldeko lan nekaezina egiten. Urteurrenaren bueltan eta Bageraren balioekin bat eginez, Donostiako Piratek elkarte euskaltzalea omenduko dute Aste Nagusian, Bagera izango baita Matti pertsonaia. Horrela, Aste Nagusira begira jarri gara, Amets Ibero Bagerako koordinatzailearekin eta Aitor Egaña Donostiako Piraten komunikazio arduradunarekin batera.

Maritxu Barriolak euskararen aldeko borrokari eman zion bere bizi osoa. Donostian zuen zapata denda euskarazko liburuak legez kanpo argitaratu eta banatzeko sare klandestino baten egoitza izan zen frankismoan; andre euskaltzalez osatutako sare batena.