Gero Axular dantza taldea 2004. urtean sortu zuen Aieteko Axular Lizeoko guraso talde batek. Ordutik, euskal dantza eta folklorea sustatzen aritu dira ilusio eta ahalegin handiarekin. Atzera begira jarri direnean, harrituta geratu dira hogei urtetan lorturikoarekin. Hori dela eta, askotariko ekitaldiak antolatu dituzte urteurrena behar bezala ospatzeko.
Badatoz Morlansko jaiak, eta faroltxoa piztu eta txupina botatzearekin batera lehertuko da festa auzoan, hilaren 17an.
Anoetako topoaren bigarren sarrera eraikitzeko lanek buruhauste ugari sortu dituzte Amara Berrin. Aita Donostia biribilguneko trafikoa nabarmen mugatuta, bizilagunak kexu dira urteetako plana izan arren, ez direlako nahikoa neurri aurreikusi trafikoa bideratzeko.
Cervantes plazako lorategietan, izkina batean, bada zutabe zati bat, garai batean bertan egondako monumentu baten azken arrastoa dena. Hala ere, hori ez da plazak izan duen monumentu bakarra.
Begoña Urroz haurra hil zutenetik 64 urte pasatu diren honetan, gaurkotasuna berreskuratu du gaiak, Donostiako Giza Eskubideen Zinemaldian 'Muerte en Amara' dokumentala estreinatu ostean. Urroz DRIL taldeak hil zuela baieztatzen du, eta ez ETAk. Ordea, bertsio ofizialak baztertu bazituen ere, 2010az geroztik bazeuden hori bera ondorioztatu zuten ikerketak.
Bisitari ezohiko bat izan zuen Kontxako hondartzak 1908an: Alfonso XIII bapore arrantzontzia. Hareatzan hondartuta gelditu zen, eta ia lau hilabete pasatu zituen han geldirik.
Gutxi iraun zuen, baina bidea urratu zuten hainbat emakumek Altzan, lehenengo eskubaloi taldea osatuta. Estibaus atarian Gazte-Lekuko taldearen historia jaso dute.
Duela hiru aste Fermin Calbeton kaleko Zumeltzegi tabernan izandako suteak areagotu egin du Parte Zaharrean aurretik presente zegoen kezka. Izan ere, ostalaritza establezimendu asko daude auzoan, eta Parte Zaharrean Bizi auzo elkarteak dio ez direla behar bezain beste kontrolatzen.
Añargik, Añorgako komunitate energetikoak, eguzki plakak jarri ditu Ikastolen Elkartearen teilatuan, energia berriztagarrien kontsumoa martxan jartzeko. Proiektua, baina, eten egin behar izan dute, Iberdrola energia enpresak jarritako oztopoak direla eta.
Kale egoeran egotetik, kale egoeran daudenak laguntzera egin du salto Abdoulaye Sarr gazte senegaldarrak. Harrera Sarearen laguntzari esker egin zuen aurrera, eta orain, SOS Arrazakerian egiten du lan. Gazte migranteentzat eredu eta erreferente bihurtu da, berak inork baino hobeto dakielako zer den pasatzen ari direna.
Aieteko Axular Lizeoko Axular News Taldeak mugikortasunaren gaiari heldu dio, eta, bereziki, euren auzoan zein ikastetxean gehien erabiltzen den garraio mota zein den aztertu du. Horrela, bizikleta eta garraio publikoa erabiltzearen beharra nabarmendu dute, eta bide horretatik jarraituko dute.